[元朗] 魚一壽司 ‧ 區內較經濟,多達二十款刺身選擇的自選刺身丼

完全估唔到位於教育路的魚一原來有樓上雅座,一直都以為只做外賣,見到Media報導質素不錯又抵食,午市刺身定食都係幾十蚊有交易,所以搵日放假既中午就去試下。

原文網址: http://connie-hk.com/sakara-ichi-sushi

 

餐廳環境較為簡約,沒什麼裝潢,偏向港式日本料理的味道,不要緊,好吃便可以了。

午市定食餐牌有分熟食同丼飯類,丼飯類由$42-$88不等,最平既蔥三文魚碎丼到價錢較高的壽司定食都有,壽司定食的賣相尚算不錯,價錢仲包埋三文魚面豉湯、沙律和甜品,很抵食。

估唔到漁一而家有埋自選刺身丼飯,另本來揀緊午市定食既小妹立即轉軚,自選丼飯吸引太多了!

先黎一客軟殼蟹卷 $28,一客四件,軟殼蟹應該係一早炸定不算脆,味道不過不失吧。

刺身丼飯有限於至少揀三款刺身,每款兩份起,揀過四款以上可單選每款一份,飯底$10碗

有三文魚、希靈魚、北寄貝、帶子、鱆紅魚、劍魚腩、吞拿魚、中/大拖羅、油甘魚、油甘魚腩、蔥吞拿魚、赤海蝦、牡丹蝦、活赤貝(原隻)、三文魚籽、加拿大海膽(一格)、馬糞海膽等,選擇不少,價錢由$5-$38,尚算抵食。

自選刺身丼飯 $220
小妹叫呢碗有希靈魚、吞拿魚、中/大拖羅、油甘魚、油甘魚腩、蔥吞拿魚、三文魚籽,份量全部都係兩份,除左老公至愛既希靈魚,其他都係小妹既心頭好,成碗都係粉紅色咁好吸引!

刺身質素滿不錯的,三文魚籽咬落卜卜口感,無過鹹夠新鮮;大拖羅食落質感好油潤,但油脂香又無想像中咁重;

反而中拖羅的油花分佈平均,食落有魚香又富脂肪香,好食。油甘魚咬落爽口、咀嚼中富明顯魚香,質素很不俗,成碗食晒好飽之餘仲好滿足!

 

 

※本文以用餐當日的環境、服務和食物質素為準,口味亦因人而異,文章只作參考之用。
魚一壽司
地址: 元朗教育路68號兆豐樓地下7號舖
(港鐵朗屏站 D 出口, 步行約9分鐘)
電話: 2485 2121
營業時間: 星期一至星期日 11:00-23:00

 

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *