[沙田] School Food ‧ 新派人氣韓國菜,卡邦尼醬汁 x 韓式年糕,但期望過高有點失望

「School Food」一聽到這店名已感覺新奇,照字面譯: 學校食物? 會係什麼菜式呢? 原來佢地係一間專賣韓式食物既食店,招牌卷物同卡邦尼年糕一直都是小妹最想試的。第一間店係銅鑼灣新開既時候,已經吸引好多人去潮聖,唔排返一兩個鐘都唔使旨意食,所以小妹遲遲未有機會去食。

剛好最近在沙田新城市開設第二間分店,立即相約A小姐一齊去潮聖。店子開十一點,我們十二點多走去已經要排隊輪籌,而且需要排約百多張枱,咁早都已經咁多人排隊,所以話香港人真係識食。既然一場黎到,我們便決定一直等。
等既時候,看到店子門外有派發免費熱辣辣既爆谷呢,就算唔係食客都可以排隊免費領取。
終於等到一個多鐘頭,有人比左張較前的號碼籌我們,所以可以早點入去了! 真好~店子環境裝潢比較西化,座位算多,每枱限時1.5小時,其實食得有點趕。
看看餐牌,光是卷物也有很多種,像餐肉卷、校園花卷、反蛋卷墨魚卷等,看到圖片也覺吸引。當然也少不了有一些韓式炒年糕、拉麵、水冷麵及鐵鍋飯等,價錢由六十元至八十多元不等。
香料炸雞沙律 $60
最想試的脆雞伴大蔥沙律竟然話賣晒,個時先一點多,有點失望。最後叫了這炸雞沙律,香料炸雞炸得挺香口,唯肉質有點乾,而沙律菜配埋蜜糖芥末醬,感覺惹味。
炸蝦卷 $62
件件蝦卷砌成一朵花般,一碟總共有約14件。每啖小小的一口,內裡的炸蝦香脆惹味,簡簡單單的已相當美味,小妹忍不住一卷接一卷,這個比想像中的美味多了。
卡邦尼年糕 $68
卡邦尼汁通常都係配意粉,配年糕都算係一款新派既菜式,當然要試下,感覺新奇又特別。醬汁相當濃郁,有超濃的奶香,很creamy,配埋年糕食,第一啖感覺「幾好味喎」;
年糕質感煙煙軔軔及彈牙,但繼續食,感覺還是配意粉夾,因年糕本身較厚,所以只有第一啖食到卡邦尼汁的味道,再咀嚼時只食到年糕的味道 (即沒什麼味),整體: 第一啖有驚喜,後黎味道平平。
甜心鳳梨艾菲 $98
落單前有問過店員這鳳梨汁是否鮮榨? 店員答我地係,所以先落單。話晒接近一百元的飲品,當然不想只是汽水+糖漿。剛好看到鄰桌客人那壺藍色的汽水+糖漿,還在慶幸自己沒有點這味道,心想鳳梨應該是黃色的吧? 轉個頭店員就比左壺與鄰桌一模一樣的來,原來這確實是鳳梨汁,望落都知唔係鮮窄,飲落就知係汽水+果味糖漿,唯一好處係夠凍夠解渴。
這壺飲品比我們點的所有食物都貴,但就覺得完全唔值。
如果再唔夠喉,這裡都有刨冰甜品供應~最貴的部隊刨冰要 $158 (朱古力、雲呢拿、特濃咖啡、草莓雪糕伴紅莓及焦糖醬) 感覺好豐富啊,但我倆還是決定轉戰去其他店食甜品。
整體來說,至滿意就只有炸蝦卷,食物質素感覺未值得排個多小時,還是小妹期望過高? 相信人潮一路未減退,有排都不會再來了。
School Food
地址: 沙田沙田正街18號新城市廣場一期1樓107號舖
電話: 2608 0108
營業時間: 
星期一至日: 11:30-23:00 
22:30 截單
================================
(喜歡的,請按讚支持,是給我很大的鼓勵啊  
Connie’s Food and Life Corner
宣傳你的專頁

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *