[銅鑼灣] Seoulmate Cafe ‧ 三訪來一頓寫意的韓式晚餐

三訪Seoulmate Cafe了,不過頭兩次都主要食甜品同飲品,今次就正正式式黎食個晚餐。天氣稍涼,選擇坐在室外的感覺都唔錯啊,不過入夜後影相會困難少少。(由於之前都有分享過室內環境,今次便不再詳細分享了)

 

延伸文章:

[西環] Seoulmate Cafe ‧ 悠閒寫意的韓式咖啡室,還有俊俏的韓藉店員(老闆?) 呢!

[銅鑼灣] 二訪Seoulmate Cafe新店面:品嚐飯後甜品

 

原文網址: http://connie-hk.com/seoulmatecafe-dinner

 

部份室內和室外環境,坐室外感覺較悠閒,所以便選擇在室外了,不過接近黃昏時間,拍照有點困難就是,日頭黎影相一定好好多。

翻開餐牌發覺同上次黎已經不一樣了,新餐牌仍有保留先前的菜式,也加入了很多有韓風元素的新菜式。餐牌排版係美,圖文並茂,款式選擇多,每款食物的賣相都能一目了然,光睇餐牌已覺得很吸引!

青瓜梳打 $48 (竟然忘記影相..)
男人話好少見青瓜味飲品,飲落真係陣陣青瓜既味道,幾特別又清新。

綠茶拿鐵烤自家製棉花糖 $54
綠茶拿鐵上有層厚厚經烤過的棉花糖,棉花糖烤過後呈溶化狀態,可以直接用匙羹不黎食。光食甜度高會比較膩,但係一啖拿鐵一啖棉花糖,兩者配合得唔錯。

焗蕃茄泡菜芝士豆腐 $58
焗得很惹味的泡菜豆腐,賣相好似肉醬意粉。食落每啖都有滑溜的豆腐搭配泡菜芝士,而且帶點辣度。

韓式炒粉絲炸雲吞 $58
炸雲吞外型似一個個小布袋般,很可愛!中間係韓式粉絲,蘸上韓式甜辣醬食更惹味,不過炸雲吞外皮略嫌較厚不夠脆。

韓式炸雞 $108
分別叫左甜辣同芝士味,炸雞份量都不少,無骨炸雞咬落啖啖肉,外皮唔係炸到好香脆個隻,但肉質嫩滑;小妹就較愛開胃的甜辣醬汁,每次食呢款口味的炸雞都可以食好多件,男人就較愛芝士味,話芝士味道算明顯,剛好一人一半唔使爭。

一舊Seoulmate雲下的泡菜炒飯 $148
一早鎖定左呢個咁可愛既雲泡菜炒飯,用蛋白製成雲既外層,入口即化,味道甜甜地。忍痛切開後就係泡菜炒飯喇,炒飯炒得粒粒分明,食落都唔會好辣不過泡菜味可以再重手少少,食開重口味的我倆覺得唔夠惹味。

 

 

 

Seoulmate Cafe
FACEBOOKIG
地址: 銅鑼灣駱克道491-499號京都廣場4樓 (港鐵銅鑼灣站 C 出口)
電話: 21046788
營業時間: 星期一至四、星期日及公眾假期 12:30 – 22:30
星期五至六、公眾假期前夕 12:30 – 23:30
※本文以用餐當日的環境、服務和食物質素為準,口味亦因人而異,文章只作參考之用。

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *