[銅鑼灣] 鉄人旨花 ‧ 二訪:鐵板燒以外的師傅發辦 Omakase

第二次黎到鐵人旨花,事隔三年餐廳已經在西環有另一分店了。仲記得第一次黎因為不好刺身壽司,所以揀左鐵板燒食,依稀記得個鐵版和牛同鵝肝多士令人回味無窮。

 

[銅鑼灣] 鉄人旨花 ‧ 入口即溶燒鵝肝、油脂豐腴的厚燒和牛 | 讓人回味的鐵板燒和Omakase

原文網址: http://connie-hk.com/shika-teppan-yaki-2

 

餐廳分開兩邊位置,打開電梯們前方係一大排Omakase的壽司吧枱位,上方掛上不少乾燥花裝飾,充滿美感。

另一邊係專食鐵板燒的位置,餐廳主打鐵板燒,所以很多客人上黎都係食鐵板多,但其實Omakase也是很不錯的。

仲有一間私人包廂,多人黎可以直接包場,也較為私癮。

今次再黎食晚餐,小妹變了!變成了壽司刺身控,揀左師傅之選 Omakase:套餐包括前菜、刺身、鐵板燒物、壽司、燒物、白魚湯、甜品 $1280/位 (需加一)

 

前菜三點,明太子沙律、雜菜蛋卷同芥辣八爪魚。切成丁狀的明太子沙律,食落充滿鹹香,咬落超爽口!雜菜蛋卷入面包左四季豆同紅蘿蔔,有韓式飯卷既感覺;芥辣八爪魚面頭加左少許蟹籽,食落味道同口感更加豐富。

再黎係戲玉,食完前菜後,師傅就上左條龍蝦刺身,龍蝦既外殻又紅又綠咁,好色彩繽紛。

原條澳洲·花龍,去殻起肉變成小碟刺身,雪白晶瑩的龍蝦刺身,肉質咬落係超·級·爽·口!味道清甜,但蝦既味道相對唔會太明顯,蘸上少許豉油更能突出其味道,很特別!

刺身後到壽司環節,能夠睇住師傅整壽司確實係品嚐一頓Omakase中很好的體驗。

剝皮魚壽司
屬白身魚的牠味道較為清淡,咬落帶點嚼勁,不算是小妹喜歡的味道。

帶子壽司
用上特大版帶子,咬落肉質肥厚軟嫩,因面頭加左柚子醬,所以多左重柚子清新的味道,不過鮮甜度還好。

黑睦壽司
同赤睦同科,粉嫩的顏色很美,咬落有爽口感,面頭的蔥花更能提升味道。

小妹至愛的大拖羅壽司,拖羅很大一片,望落其色澤對辦,食落果真很幼嫩,無渣無筋,一咬落那股魚油立即散發出黎,在口中久久不散,充斥在咀內都不捨得吞掉,好好食啊!

馬糞海膽
看著師傅將一瓣一瓣的海膽放上,認真過癮。海膽望落紋理相當分明,新鮮的海膽味道是少不了的甘甜,甘香濃郁,入口即化的質感令人回味非常。

貌似花之戀的海鰻花之戀,壽司外圍係海鰻,裡頭係紫蘇葉和蟹籽,海鰻食落嫩滑無滑,不過所配的紫蘇葉味道有點重,並不是容易接受。

燒喜之次,俗稱北海道大眼雞,是日本其中一款貴價魚。

燒過後仍然呈朱紅色的魚身,顏色鮮艷吸引。魚皮燒至微微帶脆,食落魚味明顯;唯肉質不夠嫩滑,幸好食落尚算惹味。

鐵板燒的薄燒牛肉。中間包住大量蔥花,食落油潤,肉質幼嫩,咬落索索聲,真係好香好惹味,大推!

龍蝦味增湯,裡頭有冬菇片、豆腐和蔥等,飲落鮮味十足,小妹飲到一滴不剩!

黑糖蕃薯伴雲呢拿雪糕
蕃薯蓉配黑糖醬估唔到係咁夾,食落好香,加埋球雪糕好滿足!

櫻花雜果
裡面有車厘茄、蜜瓜同橙,面頭係櫻花啫哩,味道清甜,作為飯後甜品很不錯。

 

 

鉄人旨花 | Shika Teppan-Yaki

FACEBOOKIG
地址: 銅鑼灣謝斐道477-481號肇明大廈2樓
(港鐵銅鑼灣站 C 出口, 步行約2分鐘)
電話: 28928819
營業時間: 星期一至日 12:00-14:30、18:00-00:00
※本文以用餐當日的環境、服務和食物質素為準,口味亦因人而異,文章只作參考之用。

 

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *