[大圍] Sister Korea Cafe ‧ 屋村商場內,有意想不到平價又抵食的韓國菜 | 店員大都是韓藉呢!


是日走入大圍食平民價韓國菜,餐廳就係新翠商場入面。小妹乘坐巴士46x,在新翠村落車行個五分鐘就到,其實幾方便。

(喜歡的,請按讚支持,是給我很大的鼓勵啊  

Connie’s Food and Life Corner
   

完全估唔到係一個屋村商場入面會有間頗大間裝潢又不錯的韓國餐廳,諗住個位置幾偏應該唔多人食,不過一到七點原來都有好多家庭同情侶黎幫襯,店員的服務態度都值得一讚!

先講返店內環境,環境闊落之餘,估唔到入面都幾多坐位,而且排得很整齊。周圍既佈置都幾別緻,用上不同顏色的椅子,牆壁是大貨櫃般的質感設計,櫃上有不少像街頭噴畫的裝飾,整個感覺就係走年輕路線,很好拍照!

看看五顏六色的餐牌,食物種類多而且不貴,平港島區的韓式餐廳平一半有多,叫多幾款都無咁肉赤啊!

每位附送海帶湯同前菜一份。添加前菜$6/份,湯可以任加。

Hita生啤 $48 及草莓水果冰茶 $29
身為莓類愛好者的小妹點了草莓水果冰茶,入口帶有清清的士多啤梨香,不過甜,內有不少果肉,不錯。不過男人就話佢杯啤酒好似唔多夠氣。

火山脆皮豆腐 $48
豆腐輕輕炸過,其質感頗似日式炸豆腐。再淋上大量韓式甜辣醬汁和芝麻,豆腐入口嫩滑,加埋韓辣醬有少少辣好惹味,小妹差唔多成碟清晒。

韓式大蔥蜜糖炸雞 $42
一客有五件炸雞,炸雞肉汁尚算嫩滑,不過所配的蜜糖汁就係平時食蜜糖雞翼的汁,算不上韓式,不過味道是可以的。

漢拿山豚肉芝士炒飯 (辣) $128
個飯已經係餐牌入面較貴既一道菜,個飯有辣有唔辣 (當然辣就更惹味啦),仲會有韓藉美女(店員) 係你面前一路煮個芝士蛋溶岩飯你食,很賞心悅目呢。

講返個飯先,店員先將飯一路炒熱,再落埋蘿蔔絲、辣豬肉和韓辣醬一齊炒;美女店員仲將飯砌左個心形比我地添 XD~影完相之後,店員再將芝士條同雞蛋漿放係飯則邊,加埋少少紫菜係面做點綴,等蛋漿熟熟地就可以食啦。

店員幫我地將個飯好似蛋糕咁一開四份,方別分黎食。個飯既味道辣辣地,開胃至極,加埋芝士同雞蛋,多左重口感同滋味,不過芝士味未算好明顯,不過個飯係好食的。
Sister Korea Cafe
地址: 大圍翠田街2號新翠商場地下17,18 &18A號舖 
電話: 2596 0018
營業時間: 星期一至日: 11:30-23:00 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *