[銅鑼灣] 珀麗酒店-協奏坊西餐廳 ‧ 三百蚊都唔使,超抵食海鮮意國菜自助餐!


如果要小妹推介近期邊間自助餐好味又抵食,我一定會推薦位於銅鑼灣珀麗酒店內既協奏坊。

由7月至9月,佢地今次既主題係意大利風味既「意」遊「味」盡海鮮自助晚餐。 (每三個月轉一次主題),逢星期一至四,都只係$298/位 (連加一);五、六及日,用埋優惠卷大約$34x。小妹揀左閒日食,初時仲諗咁平會唔會食物好普通又唔新鮮架?食完之後覺得呢位價錢真係超值呢,大力推薦。(據聞餐廳既booking已經滿到去月尾呢)


上到去二樓既餐廳,坐位唔算多,頗光猛又開揚,感覺闊落又舒適,亦唔會好嘈。

一出電梯左手邊就係放置食物既地方,有海鮮、熱葷、甜品、刺身、冷盤,仲有近來頗紅既即製芝士磚意粉,連雪糕都係用movipick呢。

一坐低又忍唔住出去影下相,先由冷盤開始,有幾款賣相精美既冷盤、冷麵同沙律。當然仲有刺身,估唔到連帶子刺身都有 (抱歉刺身類無影相,因為長時間都企左人)。

最估唔到係呢個價位既自助餐連巴馬火腿都有,仲有賣相同味道都唔差既壽司。

海鮮款式唔少呢,有生蠔、雪場蟹腳、出名多膏既日本毛蟹、澳洲青口、翡翠螺、凍蝦等,毛蟹其後更換上法國凍蟹,凍蟹肉質夠鮮甜,真係好吸引,海鮮迷既你一定好滿足!
熱葷方面款式雖然唔算多,但係每道熱葷既賣相同味道都令人滿意,而且仲換不停換款式呢。

飲左個蕃茄湯,質感好濃稠,蕃茄味又濃又香。

就好似呢個芝士焗龍蝦伊麵,加埋個汁真係好好味,充滿芝士香又唔會好溜,小妹夾左幾件龍蝦返去,仲食到蝦膏添,好滋味!

芝士焗生蠔


南瓜蓉焗鴨胸
呢款係我地幾個朋友都覺得好好味,不停拎完再拎! 好味既竟然係配角南瓜蓉,質感就係好似薯蓉咁,有好香牛油味,又帶有陣陣甜甜的南瓜香,好食!

焗大啡菇
加埋芝士同煙肉碎一齊焗,咬落惹味多汁! 一出就好快比人拎晒,好彩補得好快。


芝士磚意粉
不過都係覺得龍蝦伊麵較好食,因為呢款芝士味其實唔算濃,不過就夠晒綽頭。

其他熱葷,包括羊架,烤海鮮卷、芹香蜜豆龍脷球、意大利飯、千層麵、紅酒燴牛尾等。

甜品時間,呢度既甜品款式中規中矩,唔算好特別,但味道合格有餘,唔夠喉仲可以食返幾球movipick雪糕滿足下添。
協奏坊西餐廳
地址: 銅鑼灣信德街8號香港珀麗酒店2樓
電話: 2127 8828 / 2127 8838
營業時間: 星期一至日: 07:00-23:00
================================
(喜歡的,請按讚支持,是給我很大的鼓勵啊  

Connie’s Food and Life Corner
   

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *