[西環] 夏雪 ‧ 名不虛傳的紫薯窩夫和心太軟 | 白桃乳酪沙冰香甜好喝

位於西環的「夏雪」最出名必定係日賣過百份既「紫薯窩夫」,雖然後黎在大圍開設了第二間分店,但礙於地點都較偏遠關係,未有的起心肝到訪!近來終於有機會去西環,順道可以去試下了!

 

原文網址: http://connie-hk.com/summer-ice-sai-wan

 

晚上六點多去到,直接食甜品做晚餐吧!店子環境以木系為主調,有數張四人枱和一張十人枱,多人黎食甜品都無問題!

最特別一定係四人枱後方牆壁上的一大片白板,直情係英文版的餐牌,望落色彩繽紛,非常揚眼。

餐牌上最人氣除左紫薯窩夫外,抹茶·特盛都係較多人叫的;餐牌上剩係窩夫都有約七種口味,包括新出的竹炭黑芝麻、招牌紫薯、伯爵茶、朱古力、香蕉朱古力、雜莓和綠茶;另外仲有心太軟和甜品拼盤等。

另外供應仲有特飲同數款咖啡,而「Summer」便是西環店的招牌飲品

窩夫為即點即製,要比點耐性等一下;等的時候傅來陣陣窩夫的蛋香,讓本來已經肚餓的我倆更加肚餓!(笑)

紫薯窩夫心太軟 $98
喜愛紫薯的一定要叫呢個組合,一次過可以食到招牌紫薯窩夫同心太軟!

一切開心太軟既流心程度不錯,切開後的心太軟外層仍然堅挺,蛋糕層口感也頗鬆軟。欣賞流心有著天然不造作的紫薯味,最重要唔會好甜膩,唔使不停狂灌水。

紫薯窩夫不只是簡單灑上紫薯粉,窩夫中心仲係夾住紫薯蓉,很有驚喜;窩夫烘到外脆內鬆軟,咀嚼中不是單純的麵粉和蛋香,多了層綿綿的紫薯蓉,豐富口感,如蛋香味再重點會更好。

木棍上還串了兩粒迷你紫薯,完全滿足到紫薯控!仲跟左球豆味重又清新既豆腐雪糕!這甜品組合很豐富,小妹超鍾意呀!

抹茶·特盛 $98
除左紫薯系列外,仲試左呢款抹茶特盛。中間係抹茶心太軟,搭配抹茶蕨餅、抹茶啫哩、日本直送抹茶雪糕、白玉丸子、紅豆蓉和迷你熱香餅。抹茶心太軟切開後流心餡慢慢流出,無紫薯流得咁快,食落去唔算好重抹茶味,偏向茶既甘澀味多少少;

搭配的抹茶蕨餅和白玉丸子咬落煙煙韌韌甚為討喜!

抹茶啫哩食落清幽解膩都相當唔錯。

竹炭黑芝麻牛奶 $45
飲落好似芝麻糊咁,當然唔係似芝麻糊咁杰身,但重芝麻味,感覺幾得意。

白桃乳酪沙冰 $58
白桃沙冰飲落相當香甜解膩,唔只係落果味糖漿既飲品,酸酸甜甜很醒胃!

 

 

夏雪 | Summer Ice
FACEBOOKIG
地址: 西環堅尼地城厚和街6-18號滿發大廈地下D舖 (港鐵堅尼地城站 B 出口, 步行約4分鐘)
電話: 55410655
營業時間: 星期一至五 18:30 – 23:00、星期六至日 13:00 – 23:00
※本文以用餐當日的環境、服務和食物質素為準,口味亦因人而異,文章只作參考之用。

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *