[銅鑼灣] 十下 ‧ 冬天齊齊十十下,充滿香港地道風味的火鍋店

上星期終於食到呢間充滿香港地道風味既十卜打邊爐,餐廳位於銅鑼灣的永光中心。打開電梯門,已見到格仔磚牆上掛著「十下火鍋」四字。小妹當日大約六點多去到,時間尚算早,但發覺店內已有不少人在打邊爐了,可見「十卜」的愛歡迎程度。

 

原文網址: http://connie-hk.com/suppa

 

▲ 步進店內,牆上既霓虹燈、大排檔圓枱、地磚同碟等都很有味道。

▲ 坐低可以先揀自己的醬料和調味料 $15/位每位最低消費為$180

▲ 餐牌上有散叫的火鍋配料和湯底,光是湯底都有十一款,比較特別既有「白玉菊花鍋」、「火瞳花膠魚肚雞湯」、「養生豆乳白鍋」、「龍蝦鮑魚海鮮鍋」,仲有較養生既「清燉山藥菌菇湯」,不過只有標明「可鴛鴦」的才能製成鴛鴦湯鍋,其他材料較豐盛的湯底都只可以一大鍋上。

▲ 火鍋配料餐牌

▲ 亦有兩個二人套餐可以揀,兩款可以選擇既湯底都唔同,一個有花膠雞湯底無牛肉食,另一個有手切牛肉就無雞湯底,所以小妹都諗左好耐先揀到。

十下二人套餐每位 $288(包一罐飲品,另加一)揀了「烤花生沙嗲鍋」和「十下麻辣火鍋」。套餐亦包括: 大刀手切本地牛肉、、十下三寶滑、懷舊果皮魚蛋、蒜味香腸、三星蔥醬爆貢丸、黑爽豬肉餃(兩隻)、脆炸響鈴、脆炸魚骨、寬冬粉和蔬菜拼盤

仲包括左一人一罐飲品

揀左鴛鴦湯底,沙嗲湯送到黎會再即場加上椰子碎,會變到好香。麻辣湯底仲有鴨血同正正既冰豆腐;但同麻辣湯相比,都係覺得沙嗲味可以再濃返少少(加湯加返高湯)。所以個寬冬粉建議可以一開始食左先,湯底會較濃味,因為之後加左高湯就會沖淡了味道啊。

食落很鮮的大刀手切本地牛肉,牛味頗重。

最鍾意十下三寶滑,估唔到內有乾坤,分別係馬蹄牛根滑、臘腸魚滑同邪惡軸心既咸蛋蝦滑,每一件「滑」都都覺得好新鮮彈牙。

另外三星蔥醬爆貢丸同黑爽豬肉餃都夠晒惹味。

牛白胸膀油即係牛脂肪,只需滾8-10秒就食得,岩晒鍾意油脂滿滿的愛好者,入口即溶,小妹覺得極為邪惡!

充滿香港風味的懷舊果皮魚蛋,魚味明顯。

對比起脆炸魚骨,小妹都係比較鍾意普通炸魚皮,因為炸魚骨浸耐左少少咬落都係較為硬實。

 

十下 | SUPPA

FACEBOOKIG
地址: 銅鑼灣登龍街28號永光中心2樓
(港鐵銅鑼灣站 B 出口, 步行約3分鐘)
電話: 35204111、54020239
營業時間: 星期一至日 12:00-16:00、17:30-00:30
※本文以用餐當日的環境、服務和食物質素為準,口味亦因人而異,文章只作參考之用。

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *