[尖沙咀] 立濱 ‧ 立食新熱潮,$298嚐到十貫壽司的Omakase,質素又唔錯啊!

「立食壽司」近來成為一股熱潮,餐廳數量愈來愈多,質素也相當不錯,位於尖沙咀的「立濱」新開業一個多月,又多一間可以試了。餐廳環境不大,由數位感覺很有誠意的年輕人主理,店內前後僅僅只有9個座位,喜歡食Omakase的建議可揀近對著師傅的位置,能和師傅溝通多點。

 

原文網址: http://connie-hk.com/sushi-tahama

有興趣可Follow我的IG

 

店內仲有一幅粉紅色牆的立食位置,影相打卡一流!襯人流多時,禮貌的詢問師傅們才把所點的拿去拍,美多了(笑)。
壽司始終要襯新鮮快點吃,也不要拍太久嚕。

 

立食壽司除左單點壽司刺身丼飯外,仲有師傅發辦既10件壽司同刺身盛12切。以當日新鮮的食材為大家奉上。點此兩款omakase仲會附送自家製日式甜品添,很有誠意啊! 晚餐的話$298呢個價錢 (不用加一),非常抵食,師傅們給人的感覺都很親切有禮。

 

剛好遇上師傅們在準備外賣,忍不住拍了一下,是我至愛的拖羅啊!!!

先介紹這裡的丼飯,一路有留意開我IG的,實知道我係一名鮪魚控,係一個不折不扣的吞拿魚拖羅控!!
無論赤身大中拖羅、腦天、灸燒、拖羅、拖羅蓉等,食日本菜真係無拖羅既魚油不歡。

 

特盛吞拿魚丼 $288
立濱除左壽司+Omakase 仲有數款丼飯揀,其中一款就係「特盛吞拿魚丼」。
包括 拖羅蓉、赤身、大中拖羅(各兩片),成碗都砌得好靚 放埋係日本風牆壁度影相。

 


佢地既拖羅質素都唔錯架,粉嫩色既大拖羅見到雪花紋理,帶少少筋,未至於入口即溶,但充滿魚脂香,唔錯!

 

拖羅蓉已均入少量芝麻同蔥,已經好香,加埋少少壽司豉油,拌飯一流!呢碗丼飯對我來說一定會再黎食!

 

油甘魚腩薄切 $168
油甘魚腩薄切都好好食!魚味油香味並重,蘸上蔥同少少辣蘿蔔蓉,滿足!

 

Omakase 壽司盛10件 $298
十件已包括中拖羅、三文魚籽同北海道海膽等價錢較貴的食材。

有供應麵豉蒜頭、牛蒡等開胃小吃。

比較少食到清爽既「梅色魚」,配上柚子酸汁啫哩 味道提昇好開胃

灸燒過的「黑睦」食落油脂都唔惹少,油脂重得來仲食到魚香

質感比牡丹蝦爽口的「阿根廷赤蝦 」,搭配蟹膏麵豉 很惹味!

「秘製醬汁燒左口魚」灸燒後將魚油完全迫出,個種脂香係邪惡又滋味,係計拖羅後最愛吃的!

「鹽燒帶子」肥厚肉嫩 以脆口紫菜包著吃,簡單好食!

當然唔少得佢地既「北海道海膽」,都係非常鮮甜!

「三文魚籽」料料晶瑩剔透,咬落爆汁,鮮味十足,不用蘸上豉油,味道剛剛好!

「中拖羅」此款不用多說了,好吃。

最後仲有自家製既黃豆粉蕨餅同爽口的寒天,蕨餅食落質感軟滑和Q彈,充滿黃豆粉香,頗好食的。

 

 

立濱 | Sushi Tahama
FACEBOOK
地址: 尖沙咀宜昌街6號地下B舖
電話: 29581918
※本文以用餐當日的環境、服務和食物質素為準,口味亦因人而異,文章只作參考之用。

 

相連文章

一般留言

發佈留言

發佈留言必須填寫的電子郵件地址不會公開。 必填欄位標示為 *