[元朗] 新泰菜餐廳「泰廳」‧ 價錢經濟,小食拼盤好抵食!

元朗區真係有估你唔到咁多間泰菜餐廳,近來係近豐年路又開左間泰國餐廳「泰廳」,網上見到風評甚好,放工後又去食個晚餐。

原文網址: http://connie-hk.com/thai-ten

 

入到去環境唔算大,牆壁掛上數幅畫和泰國風的裝飾;店內有四個舒適卡位,仲有幾張2-4人枱,配合柔和燈光,坐得還滿舒適。

餐牌上選擇頗豐富,湯、沙律、小食、海鮮類、咖哩、炒炒麵飯、小炒類、泰式湯粉、甜品等,價錢也是比較經濟的。

(餐牌在文末)

泰國小食拼盤 (小)$89
叫左個細既小食拼盤,有晒串燒、炸蝦餅、炸魚餅、春卷、香葉包雞等五款小食,岩晒心大心細成日款款都想食既小妹,有跟埋沙嗲醬、甜酸醬同梅醬。

最鍾意外層炸得香酥既蝦餅,食落盡是蝦的美味;仲有香葉包雞食落雞肉嫩滑,而且已經醃得頗入味,唔使蘸醬已經好食。

冬蔭公海鮮湯 (小)$69
一鍋上的冬蔭公,入口頗有辣度,帶點嗆喉感 (攤凍少少無咁辣),酸酸甜甜的富椰汁香甚為惹味。內有大量菇片和一隻頗大的大頭蝦,滿心期待的小妹,食落發現肉質實在腍得太過份,有感「一粒老鼠屎 壞了一鍋粥」,太可惜了,看來店家要注意一下海鮮的品質。

青咖哩牛腩 $79
青咖哩味道偏向椰汁的香甜,辣度不高,內有四季豆和份量頗多的牛腩,配白飯一流。

泰式香芒蟹肉炒飯 $69
炒飯仲加左三色豆、蛋絲、洋蔥等一齊炒,面頭放左蟹肉同芒果粒。食落味道有點咖哩味,幾似食緊印尼炒飯,不過講惹味到好似叫返蝦醬炒飯會惹味點。

飯後送了兩日小甜品,椰汁糕和椰汁西米糕,味道都唔錯架,椰汁味好香!

 

 

※本文以用餐當日的環境、服務和食物質素為準,口味亦因人而異,文章只作參考之用。
泰廳
地址: 元朗青山公路元朗段234-242號福德樓地下5號舖
(港鐵朗屏站 D 出口, 步行約6分鐘)
電話: 2477 0988
營業時間: 星期一至日 11:30-22:00

 

 

餐牌部份

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *