[元朗] 旮旯 ‧ 區內小清新,一嚐麥糍與卷蛋

話說係元朗要搵間有精緻蛋糕食既Cafe真的唔多,當知道原先開在西九龍中心專做麥糍外帶的「旮旯」,要搬入黎元朗,小妹是很開心的,位置太方便小妹了!不過開業初期甜品成日都好快賣晒,如果放工先去又未必買到,決心要抽一日早點去!

原文網址: http://connie-hk.com/the-glock

 

在西九龍中心以賣自家製麥糍而出名的「旮旯」,近來更搬進元朗轉為實體店

復活節假期決定去食個下午茶,三點先開門我倆提早了去到,因小店位置不大,深怕無位。果然不消一會小店已經坐無虛席了,仲好多人黎買甜品外賣,可見其吸引力!

小店環境不大,偏向日系風格,裡面打理得很整潔,也有不少乾燥花做裝飾,感覺文青,很適合打卡。

下午茶時間可點的有甜品和小食,甜品有麥糍、各款卷蛋、烤糰子、茶餅和南瓜,也有其他小食,溏心蛋、雞翼和薯角等;飲品有各款咖啡和茶飲。

極光 $28
飲品極光係蝶豆花飲品,味道上無挑剔,上網睇原本係用靚靚格仔杯呈現的,覺得餐廳揀既器皿都頗有心思;可惜當日去變左茶餐廳熱飲杯;對小妹黎講,除左食物味道,賣相都很重要的,你話有咩可能唔失望?

抹茶卷蛋 & 蕃薯卷蛋 $30/件
兩款卷蛋賣相都幾靚,似迷你版卷蛋。佢地既內餡唔係用上忌廉而選用左吉士醬,所以抹茶吉士醬質感比較濃稠,雖然茶味不缺,但未做到好濃好濃,滿咀抹茶香有回甘個種。

蕃薯卷蛋最特別係面頭有用火槍燒過的焦糖脆脆,口感豐富左,但係蕃薯味對小妹黎講又係不明顯,比較似食緊吉士醬。兩款卷蛋既蛋糕質感都比較乾,整體尚可吧,仍有進步空間。

麥糍 (抹茶/雲呢拿)$28/6粒
姐係麥提沙糯米慈,可以揀單併或雙併,只能說個糯米皮做得幾軟糯,但食落硬係覺得兩樣材料唔夾,味道各自修行,無驚喜。可能唔係我杯茶吧,不過外賣既話個包裝真心靚。

 

旮旯 | The Glock
FACEBOOK、IG
地址: 元朗裕榮徑11號好旺洋樓地下16號舖
電話: 23937611 / 96272088
營業時間:
星期一 全日休息
星期二至六 12:30 – 14:30
星期日 12:30 – 14:30、15:15 – 18:30
※本文以用餐當日的環境、服務和食物質素為準,口味亦因人而異,文章只作參考之用。

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *