[西營盤] 找餐時間 ‧ 週末的找餐時間 | 便宜抵食的玉子燒,仲有可愛雲蛋多士

小妹向來鍾意日光日白去覓食,人流較少,光線充足影既相都特別滿意!奈何要返工,唯有放工後先去搵食,晚上係室內影既相,就算推高iOS都偶然會讓小妹影到抓狂!所以近來都開始在星期六日出去搵食,影到靚既相,品嚐到美食,開心就咁簡單!

原文網址: http://connie-hk.com/time-to-eat

 

機緣巧合從網上得知西營盤有間新開小店「找餐時間」「找餐」係台灣用語,為搵食既意思。面門望落去仲充滿台灣風味,忍不住拉住男人週六去潮聖一番。

不過黑仔既小妹出去途中竟然落起大雨,確實有點影響心情。到達餐廳,正是Seoulmate Cafe舊址,除左招牌同掛上自家食物既相片外,地方都無點變動,個後花園依然存在,地方較為淺窄。一開始店員安排我地坐最入面既二人枱,頗迫狹又昏暗,坐得好不舒服,後來店員很好人的幫我地換位,頓時好好多了!

看到店內掛著的白版寫著:「享受美食就是生命的目的。」這同樣是小妹生命中的其中一個意義,男人仲叫我應該泊埋去影返張相。

現凡惠顧後,SHARE店家的Facebook Page/ Post相上fb tag返餐廳,即送可愛花茶一枝!

餐點有提供不同口味的玉子燒、沙律、雲蛋多、日式冷麵、日式炒麵、小食、甜品吐司盒、雪糕、沙冰、花茶/果茶、牛牛系列等,價錢都很相宜。

(餐牌太多放在文末)

 

蘋果汁益力多 $22
味道不用多介紹的飲品,簡單好飲。

這裡的玉子燒有多款口味:原味、廣東風、蒜香煙肉、照燒雞、自家製叉燒、黑松露蟹子同燒鰻魚等

鰻魚玉子燒 $48
玉子燒系列一客四件,蛋卷上鋪滿鰻魚條,
食落蛋皮頗厚身兼富蛋香,裡面仲塞滿半溶既芝士,配埋面頭既燒汁鰻魚確實惹味。整件大啖放入口好滿足,又唔貴,不過蛋卷可以再滑少少。

黑松露蟹子玉子燒 $48
面頭鋪滿勁多蟹子,不過一夾起d蟹子會好易跌晒,食得甚為狼狽。小妹覺得如果黑松露同蟹子融合埋玉子燒度,就算中間無芝士味道都會不錯。

芝士雲蛋多 $38
蛋白營造成白雲般,中間的蛋黃就是太陽,像雲朵般的雲蛋多賣相可愛,影相打卡一流! 切開後有蛋黃流心效果,中間也夾了芝士,所以咬落是帶有芝士的鹹香,味道不錯!

叫左兩份香口小食,黑松露薯條 $38和餐牌上有手指公的芝士雞波 $28。芝士雞波熱辣辣上枱,食落有少許芝士味,會忍唔到口一粒接一粒;黑松露薯條就較為失望,只有面頭小撮的黑松露,其後只是食緊普通炸薯條,如果配搭的係黑松露沙律醬會好得多。

雜莓盒子 $88
好似係茶木食既吐司盒,不過呢個份量比較大。吐司中間有球香草雪糕,有麥片圍邊,仲有士多啤梨片、藍莓同忌廉。

打開盒子蓋已經見到裡面係切成一粒粒既吐司粒,份量很多。吐司都烘得很香酥,簡單蘸上忌廉和雪糕已經滿好食,整個盒子三,四個人分享不是問題。

 

 

 

※本文以用餐當日的環境、服務和食物質素為準,口味亦因人而異,文章只作參考之用。
找餐時間 | FACEBOOKIG
地址: 西環西營盤第三街83號地舖
(港鐵西營盤站 B2 出口, 步行約3分鐘)
電話: 2311 1262
營業時間: 星期一至日 12:00-22:00

 

餐牌部份

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *