[尖沙咀] 魔衣櫥咖啡廳 ‧ 魔法世界環境下細嚐法國菜,每道菜式均有水準

尖沙咀開業不久的的「魔衣櫥咖啡廳」主打法國菜,但餐廳內的佈置和店名一樣,以魔法世界做主題,店內的裝飾和擺設有不少影相位。

 

原文網址: http://connie-hk.com/tst-weisleys-wardrobe

 

打開電梯們已見到放置了在魔法電影內常出現的魔法袍、魔法書和貓頭鷹裝飾呢;旁邊有一扇門,推開門就到達魔衣櫥咖啡廳了!

餐廳的環境樓底高,坐位間絕不迫狹,整個就係舒適的用餐環境,好耐無試過去一間餐廳係沒有焗促感的。佈置方面很用心,帶有復古氣派,牆壁上的掛畫都充滿中世紀風格;

一大片放滿西洋棋、魔法棒、魔法書的書架,影相一流。

當晚提供兩款餐牌(平時有三款),都可以選擇要3或5個菜式,用餐時間係三小時,由於法國菜製作需時,出餐較慢,基本上晚市只能做一轉,所以小妹覺得呢度係一個同朋友聚會的好地方。

我倆叫左一份3-Course $350同一份5-Course $450,可以一齊食;3-Course包括左前菜、主菜和甜品;5-Course就有前菜、湯、主菜、意粉和甜品,不包括飲品,如果可以包埋餐飲會更加好。值得一讚係上每道菜店員都會細心解說造法和所用的食材,感覺很有誠意!

香煎吞拿魚伴西米脆片
加上海鹽再煎香四邊既吞拿魚,中心仍保持住半熟口感,搭配餐廳自家製既wasabi和豉油所調製既醬汁、西米脆片和=+三文魚籽,味道同口感豐富左,但所搭配的食材又唔會蓋過吞拿魚的魚味,很特別。

西班牙鬆脆包配鵝肉醬
當天鵝肉醬缺貨便改成蒜片海蝦,當然吸引度降低了,不過爽彈的海蝦搭配鬆脆包又頗開胃。

栗子忌廉湯
第一次飲栗子湯,用上新鮮栗子同忌廉打成,飲落陣陣甘甜栗子味,仲帶點點栗子碎,真係好似食緊栗子咁,喜歡!

慢煮法國黃雞胸
餐廳先將雞胸煎過,再慢煮40分鐘再煎多次,慢煮能鎖住水份,令雞胸食落不會鞋口,雖然食落未至於很滑個種,但肉質夠腍不乾柴,表面雞皮更略帶點脆口。

黃雞胸食落真係雞有雞味,就咁單食都可以,喜歡的可以蘸上餐廳自家調製既雞汁,味道更豐富!不得不提伴碟既忌廉薯蓉都好食,如果份量再多少少就好喇!

鵪鶉脾意大利飯
用上橄欖油煮的意大利飯都跟返正宗既煮法,食落飯粒有咬口,飯芯仍保持住帶點硬的口感;鵪鶉脾食落都夠香,肉質鮮嫩!(好鍾意佢地既碟夠晒熱,食到最尾食物仍能夠保持住溫度!很細心)

白酒忌廉汁藍青口意粉
意粉煮到有Al dente的口感,掛汁程度不錯,忌廉汁係比較杰身個隻,食落奶油味好重,每一啖都好邪惡但又好好食,就係份量不多,男士們未必夠飽。

焙茶芝士餅
飯後一點甜,兩個餐都係跟焙茶芝士餅;芝士餅做得唔錯,食到芝士蛋糕的質感同味道,又食得出焙茶既香氣,很難得的兩者兼具,對小妹來說反而底下的洛神花醬作用不大。這芝士餅我倆食得很滋味,迅速清碟,剛好一人一件唔使爭!

 

 

魔衣櫥咖啡廳
FACEBOOKIG
地址: 尖沙咀金巴利道40號MW Plaza 1樓 (港鐵尖沙咀/尖東站 B2 出口, 步行約5分鐘)
電話: 26590128
營業時間: 星期一至日 12:00 – 03:00
※本文以用餐當日的環境、服務和食物質素為準,口味亦因人而異,文章只作參考之用。

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *