[觀塘] 辻利茶舗 ‧ 百年老店的抹茶 | 抹茶芭菲、抹茶雪糕、八女玉露,來一頓茶之晚餐吧!

愛茶之人一定對「辻利茶舗」這名字不陌生,有著京都百多年歷史的抹茶老店「辻利茶鋪」,除了在中環ifc開了第一間香港分店,最近更落戶在觀塘區,粉絲們終於唔使過海都食到,想試好耐既小妹終於有機會潮聖喇!

 

原文網址: http://connie-hk.com/tsujiri

 

與中環店不同之處,在於觀塘店設有堂食座位,free seating設計,由點餐、上餐、到用餐完畢都需要自助,所以餐廳沒有收取加一服務費嚕。

餐廳座位不多,右邊係收銀處和半開放式廚房,左邊係堂食座位。裝潢都以充滿日系感的木系為主,感覺還不錯。

座位更設有USB和電掣插座,相當貼心。所以也看到有人一面品嚐著大杯芭菲,一邊使用手提電腦,而且沒有限時,有點像去了Cafe般。

餐牌部分,收銀處旁有放置數款食物模型可參考看看。

餐點大多以抹茶甜品和飲品為主,也有少量鹹食,像茶漬飯、玄米烏冬、抹茶三文治,大多有加入茶的元素。是晚就食左餐以「茶」為主角的輕食晚飯,雖然小妹未至於係抹茶控,但對於茶的魅力同樣沒法抵擋。

八女玉露 $44
這杯貴為茶中極品的八女玉露,有冷/熱之分,小妹呢杯係凍飲。飲落茶味濃郁得來不會澀,入口很明顯的甘甜柔和,很清涼解渴,好飲。

鰻魚茶漬湯飯 $78、雞肉茶漬湯飯 $68
與他分別各要了一個鰻魚和雞肉茶漬飯,賣相精緻,各跟了一壺茶用黎做茶漬飯。

鰻魚飯還附有蔥花和山葵豐富味道,配上炒得很香的玄米茶,兩者配搭很夾,每啖飯都散發陣陣茶的幽香;米飯口感軟糯香甜,所配的鰻魚無骨不腥,富醬燒汁的惹味感,這茶漬飯比想像的好食!

雞肉茶漬湯飯的味道也不差,不過雞肉可再嫩滑少少,對比下係鰻魚飯較吸引。

抹茶芭菲 $78
由上至下分別有:鮮忌廉、抹茶雪糕、抹茶蕨餅、玄米粒、紅豆蓉、鮮忌廉、抹茶蛋糕、消化餅碎、抹茶醬和寒天。

一羹掘到底來食,每一啖都好滿足!有濃郁甘甜而不澀的茶香,煙韌的抹茶蕨餅,脆脆玄米粒,咬落爽口的寒天和抹茶醬,整個口感豐富之餘,卻不覺得甜膩,沒有食到一半已不想食的感覺,很涮咀!

濃度2.0抹茶軟雪糕 $36
係抹茶軟雪糕的加強版2.0,喜歡抹茶的更要黎枝特濃版,都係只係貴$2。枝雪糕真係幾大杯下,仲吱得幾靚添。雪糕食落質感幼滑唔易溶,而且抹茶味比奶味濃得多,甜度不高,與甘澀味道的比例平衡得不錯。就係食到中間雪糕質感帶微微冰感,不過無太大影響,仍然覺得好食。

 

 

 

辻利茶舗 | Tsujiri

地址: 觀塘觀塘道418號創紀之城五期apm 2樓8號舖
(港鐵觀塘站 A2 出口, 步行約2分鐘)
營業時間: 星期一至日 11:00-21:30
※本文以用餐當日的環境、服務和食物質素為準,口味亦因人而異,文章只作參考之用。

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *