[西環] Waffling Beans ‧ 搵食到堅尼地城: 來這裡嘆杯咖啡,品嚐美味的特式美食


向來很少黎到堅尼地城呢頭,因為始終唔係港鐵沿線,唔太就腳。不過自從開通左港鐵堅尼地城線後就方便多了,以後覓食就更加方便,相信會有愈黎愈多新店在此開設。


放工後相約豬一樣的朋友走入聖尼地城搵食,由港鐵出口行過去只係一條直路,行約三分鐘就到達,非常方便。不過周圍人煙較稀少,感覺同繁忙既中西區好唔同,特別舒服。

這次黎到Waffling Beans,係Cafe形式既餐廳,外面放左兩張檯,仲放埋咕,比客人慢慢坐下嘆杯咖啡都唔錯啊。

長方形的餐廳格局,配上樓底高的天花,感覺寧捨闊落,裝潢也很時尚摩登。前方一整個位置係沖調咖啡既地方,側面有一大個雜誌架,放滿很多時尚雜誌供客人借閱,整個格調很悠閒舒適。
而且呢度既食物都頗多元化,餐廳定期更會轉餐牌,這樣就可以試到更多新菜式。


Almond Latte
拉花頗美,咖啡的質感也算沖得細滑,就是沒什麼杏仁味。

野菌巴瑪臣芝士意大利飯球 $88
一碟四粒炸意大利飯球,每粒都炸至金黃色,咬落脆口惹味,意大利飯質感略帶煙韌,菇味四溢,吃時也帶點少許芝士味,但不明顯,如味道可再濃一點便更好。

車打焗啤梨 $80
在啤梨上放上紅洋蔥和一大片車打芝士一同焗製,紅洋蔥清甜多汁,配上酸甜既啤梨,仲有惹味既芝士,味道都以平衡,食落唔膩,美味又特別。

蕃茄牛肉球 $168
店方自家手打既牛肉球,配上沙律及一塊法式香草窩夫。

牛肉球上淋上層酸甜清新既蕃茄醬,入口鬆化牛味濃郁,味道確係唔錯; 配上既窩夫都香氣十足,整體水準唔錯,就係價錢方面比例進取。

焦糖青蘋果窩夫
用上澳洲青蘋果切片,同樣配上法式窩夫,是頗特別的配搭,青蘋果很清甜,味道清新不膩,比利時窩夫配上少許焦糖醬也是幾美味的,而這裡窩夫的質感是外層比較紮實,內裡鬆軟那種,奶味頗重的,小妹就滿喜歡。
Waffling Beans
地址: 西環北街4-8號五福大廈地下9號舖
(港鐵堅尼地城站 B 出口, 步行約4分鐘)
電話: 2855 8890
營業時間:
星期二至五: 12:00-22:00
星期六至日: 10:00-22:00
逢星期一休息
================================
(喜歡的,請按讚支持,是給我很大的鼓勵啊  

   

相連文章

一般留言

發佈留言

發佈留言必須填寫的電子郵件地址不會公開。 必填欄位標示為 *