[元朗] 鐵板燒和菊 ‧ 用料上盛和洋鐵板燒 | 一面欣賞每道菜的製作過程和最後的伴碟點綴,也是一種樂趣和體驗啊!

元朗出色的食肆愈黎愈多,都以日本菜為主,價錢當然不比中上環區便宜,但味道也是出色的!與友人E先生很久無見,由於小妹是個大懶人,假日都唔想出街,所以佢就我入黎元朗區覓食,就黎左呢間開業不到一個月的餐廳,專食鐵板燒的「和菊」

原文網址: http://connie-hk.com/wagiku-teppanyaki

餐廳內只有13個座位,座位不多記得預先打黎訂位較穩陣。

上網睇過「和菊」既鐵板燒係加入左歐洲菜既特色,由有三十多年經驗的日本師傅主理,可以一面欣賞每道菜的製作過程,以致最後的伴碟點綴,也是一種樂趣和體驗。而且這裡的抽風系統做得不錯,食完唔會成身油煙味,這點很重要的。

這次挑選了和菊特盛晚餐 $1590 (+10%)/位。也有些價位較親民的由$228-$380不等,豐儉由人。

第一道菜先黎個野菜沙律,沙律夠新鮮之餘,特別在於裡頭加了紫薯片和白飯魚脆片,令平實的沙律豐富了口感。

會因應時令而安排的三款前菜,分別係由左起的醋鯖魚刺身、紫蘇葉伊良天婦羅和法國生蠔杯

紫蘇葉伊良天婦羅的炸粉薄身,咬落啖啖肉的伊良,其魚味較淡,配搭氣味濃郁的紫蘇葉能突顯其味道。

用上高腳杯子呈現的法國生蠔杯,裡頭係三文魚籽檸檬醋鵪春蛋,光睇材料都知道相當補身,由於自身問題唔太敢食生蛋,所以將佢交比友人E先生再次進補,據說這生蠔杯十分鮮味!

食完前菜就開始鐵板燒時間喇,師傅先將這一盤稍後會用既時令海鮮比我們望望和影相,超期待的!(如有什麼食材唔食的可預先和餐廳溝通,採用其他食材)

先黎一道活鮑魚配鰹魚昆布汁,看著師傅有板有眼的將生鮮的南非孔雀鮑魚拆殼再燒,淋上鰹魚昆布汁,鮑魚燒得剛剛好,質感食落爽口有口感,配上鰹魚昆布汁,就是鮮甜美味!

和菊煙燻北海道帆立貝
據說這係老闆精心研究的菜式,把西餐常用的煙燻方式用在鐵板燒上,用了兩種乾菊加上刺身帆立貝放在銅色小鍋內燒熱,鍋蓋一打開充滿陣陣清幽的菊花香,帆立貝還用上可食用花瓣作點綴;厚身的帆立貝咬落肉質緊實,咀嚼中是爽的,還帶有花香,名乎其實睇得又食得。

車海老配西京麵豉牛油果醬
一面食一路睇住師傅純熟既手勢,將那新鮮的車海老又拆又燒的,其實是一件很賞心悅目的事。三兩下手勢便將車海老又拆又燒的,蝦肉燒的火喉適中,肉質咬落就是厚實爽彈,配上的麵豉牛油果醬更是惹味非常。

北海道鱈場蟹配海膽忌廉汁
再來係鮮味滿滿的鱈場蟹,簡單的將其燒熟味道已經很好。蟹肉質地幼嫩,蟹味突出,再加上甘香的海膽忌廉汁提升了味道。

法國鵝肝伴意大利黑醋汁
看到師傅一路煎這件肥厚的鵝肝時,已讓小妹垂涎三尺!煎至金黃色的鵝肝,輕輕咬落外脆內軟,十分豐腴油潤,滿口甘香,配搭一旁的黑醋汁和蘆筍更不覺油膩,真係好好食!

中般來一個原個柚子雪葩清清味蕾,味道好清新,就是稍甜了點!

到壓軸就係日本近江A4和牛西冷,看到那清晰的紋路便知道不惹少!

看到裡頭仍是呈粉嫩色的肉質。入口肉質很細嫩,咬落鬆化,牛味濃郁,不油不膩,真係堅好食!另外仲會配上蒜片和岩鹽可一併享用,不過小妹就鍾意就咁食,更能食到牛的味道。

赤味增湯和炒飯,那炒飯炒至金黃色的粒粒分明,超惹味的,還配上一個內有滿滿蝦膏的蝦頭,味道甘香,飽都食埋佢!

最後以一個夢幻的櫻花雪糕為這美味的一頓作結。

 

 

鐵板燒和菊
地址: 元朗鳯攸北街5-7號順豐大廈地下36號舖
電話: 港鐵元朗站 A 出口, 步行約8分鐘
營業時間: 星期一至日: 12:00-15:00, 18:00-23:00

 

餐牌部份↓

 

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *