[銅鑼灣] 和牛88 ‧ 牛魔王之地 | 薄燒和牛壽司、震憾又美味的火焰牛扒

小妹都算係一個食肉獸,久唔久就會「肉」癮起,好想去餐廳鋸下扒,大口大口咁放入好。不過來來去去食西餐牛扒都有點悶,可以試下位於銅鑼灣的沖繩過江龍「和牛88」,有多款石垣和牛菜式,可以一次過點幾款和牛菜式,價錢不算貴,小妹覺得回訪率頗高。

 

原文網址: http://connie-hk.com/wagyu88-cwb

 

步進店內的裝修擺設,以及牆上各款日本啤酒廣告的海報,都充滿住居酒屋的感覺。

菜式部份分為沙律、小食、和牛刺身/壽司、黑毛和牛扒、鍋物/煮物、飯/麵、湯和甜品等,選擇都頗多。

關西風汁煮牛筋 $48
呢碟汁煮牛筋同男人不約而同都覺得好爭食,牛筋憫得腍之餘仲富有咬感,當中仲有埋煙韌既蒟蒻,個汁好惹味,拌飯食一流!

和牛海膽三文魚籽細卷 $78
一碟六件既細燒上都放有和牛,面頭再加上三文魚籽或海膽,有兩款選擇,兩款都食到和牛既牛味,海膽味道不算很鮮甜,不過還可以,這價錢可以接受。

薄燒和牛壽司 $58
當日新鮮運到既和牛,整片和牛佈滿均勻白色的油花,一整片覆蓋住著小小的壽司飯。店員送上後,會問你要幾成熟,即席係你面前灸燒,影完相好快快食喇!入口滿咀油香四溢,有入口即溶感。如果牛味再重少少會更正,雖然而家已經令我很回味,加埋少少蔥花同蒜泥一齊食仲香。

和牛88火焰牛扒 $288
叫呢個火焰牛扒記住要拎定相機手機,拍底火焰紅紅既一面。交低左叫男人幫我用手機拍,佢竟然禁錯掣,咩都拍唔到~ 吼!!

牛扒揀左要五成熟,牛扒比大火灼過後,咬落肉質爽口、鬆化,中間仲保持到粉嫩肉質,仲有肉汁咇出黎。咀嚼中牛味夠重,小妹覺得好好食,喜歡的仲可以蘸上餐廳自家出品的醬汁同吃。

和牛拖羅生雞蛋拌飯 $100
一圈青蔥、一圈和牛拖羅,中間係生雞蛋同上面既紫菜絲,砌成賣相靚靚既和牛拖羅拌飯,見到都吸引。店員建議加埋醬油拌均一齊食更佳,由於小妹唔食生雞蛋,所以事先拎開再拌均。成個飯食落真係夠晒惹味,有青蔥既香味,仲食到明顯突出既和牛味,但又唔會覺得陣味好”生”,三扒兩撥就清晒成個飯,當然加埋雞蛋口感上又會再更加滑。建議呢個飯可以兩人分享,再食埋火焰牛扒同和牛壽司已經好滿足。

 

 

和牛88 | Wagyu 88
FACEBOOKIG
地址: 銅鑼灣登龍街28號永光中心13樓
(港鐵銅鑼灣站 B 出口)
電話: 31053129
營業時間: 星期一至六 18:00 – 02:00、星期日及公眾假期 18:00 – 00:00
※本文以用餐當日的環境、服務和食物質素為準,口味亦因人而異,文章只作參考之用。

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *