[銅鑼灣] 一芳台灣水果茶 ‧ 我是一名超級水果茶控!

水果茶對於小妹來說可以算係超愛的飲品,名乎其實係一位「果茶控」。仲記得以前出名水果茶就係台灣的咖啡弄,逢去必點之物,就算黎左香港都忍唔住要排隊去飲。近來香港都愈黎愈多Cafe或飲品店都有水果茶既出現,好多時都會去試下,當然唔係間間都好飲,質素參差!而果茶始祖既過江龍,現在對小妹黎說已經覺得太甜了,接受不了!

 

 

原文網址: http://connie-hk.com/yifang-taiwan-fruit-tea-hk

 

台灣一芳水果茶落戶香港,水果茶控又多一個選擇

除左小妹有兩三間本地薑心水外,過江龍「一芳」黎香港開店小妹係非常開心!仲記得上年去台北五日都飲足三日,大杯裝都係台幣60,好飲又平,教人如何不愛它!?「一芳」在旺角朗豪坊落戶了一陣子,估唔到最近一口氣係不同商場插旗,不過最重要係要保持到質素啊!總括試左旺角、沙田和銅鑼灣店,有感最接近味道的係銅鑼灣店,而且人流不多,唔使排長龍啊!

不過看到每間店都有不少負評真係幾驚訝,因為飲過幾間都唔覺有咁差!銅鑼灣「一芳」開左係「名店坊」入面,就係Log-on附近,平日晚上去人流不多。(之前再去飲旺角店,叫左半糖都係超級甜,水準方面確係不太穩定) 

裝潢都偏似返台灣既店面,水泥牆簡約風。牆上掛上一塊塊小木板顯示所賣的飲品,其實我都無細心睇,因為小妹一定係飲水果茶。最近仲推出左黑糖粉圓系列,吸引啊!(因為一直不想排鹿角巷)

餐牌部分

一芳水果茶 (大)$33 (微糖、少冰)

網上見好多人都話個水果茶甜到癲,小妹既愚見就係叫少甜真係會太甜,微糖又唔夠味,叫半糖自覺岩岩好。水果茶入面仲有橙肉同蘋果片等,如果可以揀多茶少水果就好喇,不竟叫得飲品都係想飲多過食!

自己一直點開半糖覺得可以喎,飲落充滿酸酸甜甜既果香,百香果味重,都有茶既味道但唔算重;但亦都有試過遇到飲落偏酸或有唔夠味(旺角店)但整體我都覺唔差,起碼仲會想飲!

黑糖粉圓奶茶 $33、黑糖粉圓鮮奶茶 $33

呢杯無得調整冰塊同甜度,但就可以揀重茶味或奶味!揀左前者,但飲落茶味都唔算重,而甜味要靠底下既黑糖粉圓帶出。黑糖粉圓咬落偏腍,帶點咬口;後黎再飲埋鮮奶茶,覺得比奶茶更好飲,鮮奶同黑糖真係好夾,唔想排鹿角巷排餐死,試一芳都唔錯。

 

 

一芳台灣水果茶
FACEBOOKIG
地址: 銅鑼灣記利佐治街11-19號Fashion Walk 1樓17號舖 (港鐵銅鑼灣站 E 出口)
電話: 21113936
營業時間: 星期一至日 11:00 – 23:00 (最後落單時間:22:30)
※本文以用餐當日的環境、服務和食物質素為準,口味亦因人而異,文章只作參考之用。

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *