[元朗] 法國小屋 ‧ 選址重開,元朗區小清新,招牌焦糖窩夫和薯仔千層都值得一試!

係元朗住左幾年,周邊真係好多餐廳選擇,想食唔同國家既菜式都有,唯獨係Cafe或西式甜品店真係少之又少,通常都要出去九龍或港島區比較多!估唔到係搬走無耐後,「法國小屋」就係合益路選址重開。剛好當天要到又新街辦點事,剛好可以去食個午餐,週五六及日更有特別的甜品供應呢!

 

原文網址: http://connie-hk.com/taipei-afterhours-cafe

有興趣可Follow我的IG

 

「法國小屋」的原址本來是在西菁街那邊的,結業後近來選址重開。剛好在同一條街上有主打牛肉麵既「二悅」同主打吉列石板牛既「The Backstreet Kitchen」,兩間都係非常唔錯既餐廳,兩間都食過,但就太懶無分享過(笑)。

 

餐廳開12點,我們準時到達!選擇了坐較入的位置。餐廳環境不大,近乎一目了然,佈置上簡約得來還滿舒適的,還用上粉紅色的碟和餐具,好適合女孩子們相機食先!
(多人的話預先訂位會比較好)

餐點上有意粉、小食、鹹食伴窩夫和各款甜品窩夫等,星期五六日更可能會有限定的甜品,像蘋果批和皇帝批等!中午和晚餐另有套餐供應,還可以加錢食埋招牌窩夫呢!(部份餐牌在文末)

 

卡邦尼意粉 $88
用上天藍色既器皿盛著,看上去意粉的份量不少。意粉口感煮得軟硬適中,收汁的情況亦都恰到好處,食落夠creamy,唔會太乾或唔夠汁,整體味道相當唔錯。

 

招牌煙肉千層芝士薯片伴沙律 $66
再一次黎回味呢度既招牌千層薯片,係將切片薯仔層層疊上,再加上煙肉碎和面頭的芝士一齊焗,口感豐富,好食!

 

招牌咸牛油焦糖窩夫(半份)套餐+$28
一心想黎食窩夫,但又怕太飽,見到有得加半份便點了!後來發現半份根本是不夠吃啊!!

平時食窩夫會覺得吃整份會好滯好飽肚,但佢地既窩夫係屬於比較輕盈既口感,簡單加上忌廉同焦糖漿已經令我食唔停口,最後仲要追加多半份,真心推薦!

但如果鍾意較實在口感既就要衡量一下喇 (咖啡弄個種)。

 

玉桂蘋果批 $46
男人愛既蘋果批,難得星期六有供應!酥皮非常香酥,牛油味重,加上杏仁片同蘋果肉,好食!

 

奶蓋鮮草莓四季春 套餐+$38、檸檬茶
奶蓋層帶點點鹹香,而草莓茶確實飲得出唔係糖漿溝出黎,味道天然又解渴;估唔到檸檬茶都好飲,飲得出好濃既茶底(應該係伯爵茶底),淡淡檸檬味,好似午後の檸檬茶既味道。

 

 

法國小屋 | Le Cafe Des Delices
FACEBOOK

地址: 元朗合益路9-15號紀業樓地下I號舖
電話: 69993953
※本文以用餐當日的環境、服務和食物質素為準,口味亦因人而異,文章只作參考之用。

 

餐牌部份

 

 

相連文章

一般留言

發佈留言

發佈留言必須填寫的電子郵件地址不會公開。 必填欄位標示為 *