[元朗] 凡直友里 ‧ 低溫慢煮烤乳豬件肉質超嫩滑,食到最原始的味道

元朗又新街最近開左間新餐廳「凡友直里」,前身係一間酒吧,最近已經變成左一間有齊餐廳+酒吧的新餐廳,菜式選擇多價錢又合理,晚市仲有套餐供應。平時夜晚經過都好多人幫襯,十點後仲有串燒供應,真係想再去試下!

 

原文網址: http://connie-hk.com/yuenlong-fanstraightlane

 

入到餐廳係長方形既設計(另有室外座位),客人對面係半開放式廚房同調製飲品的位置,可以一路睇住廚師們用心烹調的情況,而且油煙味也不會很重,感覺不錯。

一直唔明餐廳名稱「凡友直里」既意思,所以有問一下店員,謝謝耐心解答,原來

「凡」 字係餐廳老闆姓名中的其中一字

「直」 係因以前做直火燒烤

「友」 因又新街以前叫友新街

「里」 因餐廳位置係一條里內

(如有錯誤煩請指出,原來每字皆有其意思)

餐牌部份,晚市套餐價錢不貴也很抵食

Red Sangria $70(hh)、Swiss Sweet $54 (hh)
一人點左杯飲品,男人既Sangria係西班牙水果酒,小妹個杯mocktail,無酒精成份,主要係芒果、檸檬、橙、菠蘿和梳打打成,所以飲落很清新,偏向橙味。

香煎Rougle法國鵝肝伴焦糖蘋果配多士 $128
將法國鵝肝煎至外脆內軟,雖然未至於到入口即化,但入口仍質感保持著軟嫩質感,帶來陣陣的脂肪香,伴上香甜的焦糖蘋果和黑醋汁同食,剛好平衡了油膩感,多士仍烘得脆身,邪惡又好食!

手拆鮮蟹肉、蟹粉伴乾車厘茄蟹粉汁天使幼面 (限量)$198
用上手拆鮮蟹肉、蟹粉汁所煮的天使幼賣,一端來已經覺得很吸引!整碟意粉都佈滿蟹粉汁,天使幼麵掛汁的情況很不錯,每啖都食落濃濃蟹粉味,仲食到絲絲蟹肉(仲食到蟹殼,拆肉時要再小心點),加左乾車厘茄另其味道變的清新一點,食落負擔無咁重。

低溫慢煮烤乳豬件伴椰菜仔及手指薯配無花果汁 $188
用左30日大既bb乳豬慢煮後再拎去焗,做到外脆內嫩的口感,外皮連住一層薄薄脂肪,咀嚼中帶點骨膠原煙韌的口感,亦帶點脂肪香;

裡面的肉質真係超級嫩滑,很容易骨肉分離,食落可以用滑不溜「口」來形容,亦係最原始的肉味,這時候可以配上一旁的無花果汁,豐富味道。

焗蘋果撻伴自家製雲呢拿雪糕 $58
即叫即焗的蘋果撻好好食,酥皮切落已經感覺到其香酥的程度,食落更是滿咀牛油香,好好食;當中加入左酸酸甜甜的青蘋果片,咬落爽口,與酥皮確實很搭,旁邊的雪糕都淪為配角了。

 

 

凡直友里 | Fan Straight Lane
FACEBOOK
地址: 元朗又新街53-59號滿利大廈地下 (港鐵元朗站 A 出口, 步行約11分鐘)
電話: 26441222
營業時間: 星期一至日 17:00 – 02:30
※本文以用餐當日的環境、服務和食物質素為準,口味亦因人而異,文章只作參考之用。

 

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *