[紅磡] 正月十五 ‧ 超經典要乜無乜既糖水店


食完熱狗後意猶未盡,又決定去食返碗糖水。來紅磡前已鎖定「正月十五」呢間糖水店,因為見到全部都係笑面,一個負評都無,而且D糖水好似好特別,竟然有蜜糖黑松露糕,又有小妹愛食既芒果糯米卷,好期待啊!

店子座位唔多,環境唔大,但好彩未至於要背貼背。牆上貼滿糖水海報同黑版寫上招牌糖水及是日推廣,睇落款式好多呢!

咁就一於叫個芒果糯米卷先,店員話無..再叫蜜糖黑松露糕..竟然又無..想叫個榴槤水晶珠又無..!心面已經開始無名火起,可以叫三樣都無? 但坐左入黎走出去又好樣衰咁,後尾見到有塊版寫住滋潤甜品,叫左個3.6牛乳燉椰皇,又話無囉!! 咩事啊? 無既好心刪左佢啦….連隔離檯叫個阿華田雪花冰都話無,真係吹漲,麥兜情節咩!? 最尾叫左個楊枝金露同擂沙湯丸。

楊枝金露 $33
其實我唔明點解佢可以有咁多好評,呢碗價值$33既楊枝金露柚子肉既份量係極其少,我諗少到有幾多條都數到個種,但奇就奇在加埋一般唔會有既椰果同爆爆珠,味道一般。

擂沙湯丸 $22
睇相係一客四大粒,黎到變左迷你版八粒,好彩食落微熱,煙煙韌韌,正常味道啦!
正月十五
地址: 紅磡必嘉街92-112號紅磡灣中心地舖9A號舖
(港鐵紅磡站 B1 出口, 步行約6分鐘)
電話: 2363 8700

================================
(喜歡的,請按讚支持,是給我很大的鼓勵啊  

   

上 / 下一篇文章

一般留言

發表迴響

你的電子郵件位址並不會被公開。 必要欄位標記為 *