中台菜式 ▼ 香港食店‧分類 ▼ 地區‧搵食 九龍區

[尖沙咀] 圓山台灣料理 ‧ 特色台灣本土菜式 | 滋味麻油雞湯、令人欲罷不能又邪惡既蛋黃肉


真的很喜歡台灣的食物,麻油雞湯、台灣腸、鹽酥雞、燥肉飯、牛肉麵等,真係諗起都好想即刻飛過去大刷一番呢。不過既然諗開有條癮,又想食台灣菜既話,尖沙咀圓山台灣料理都係一個唔錯既選擇。近來香港開設既台灣小店或甜品店比較多,像這類比較正式打正旗號賣台灣本土菜式就比較少,上網看過價錢後原來沒想像般貴,所以便決定去試試啦。

店內環境頗大,佔地兩層,上層為獨立房間呢,入到去感覺有點像酒樓既格局。一坐下先叫左壺普洱茶,店方也放下了一小碗小食手拍青瓜。

食物可分為涼菜類、台灣小菜、四川菜式、鮑參翅肚、湯品類及甜品,一場黎到的小妹當然以台灣小菜為主啦。

皮蛋肉鬆豆腐 $68
台灣出名的菜式之一,肉鬆配上溏心皮蛋及豆腐;豆腐入口超綿密的,質感很滑溜,豆香味很濃,很愛;溏心皮蛋睇到有深綠色既溏心狀,食落質感黏軟又很香;配埋肉鬆食增加左鹹香味,更加美味。

蛋黃小卷 $78
這裡既名物之一,蛋黃小卷外圍白色用上魷魚筒,裡頭釀了蛋黃、火腿和青豆,賣相精緻。食第一塊既時候,除左嚐到魷魚味外,蛋黃味不太明顯,反而再食第二件便發覺蛋黃香慢慢出來,喜歡仲可以沾些附上的沙律醬,不過小妹就覺得就咁食比較好味。

台式鴨舌 $78
餐廳自家製的鴨舌,食落麻辣味很香卻不過辣,鴨舌咬落也夠爽口軟腍,小麻小辣,確實惹味。

蛋黃肉 $98
賣相好似香港既鹹蛋蒸肉餅,一黎到既時候我仲諗起「民聲」既肉餅塔。不過呢款蛋黃肉內裡就無咁多脂肪位,反而加入了切碎既「蔭瓜」一同去蒸三、四個鐘,而由於蔭瓜本身的味道是帶點酒味,所以讓小妹一路以為這道菜也有加入酒煮的,食落多汁唔乾,味道很不錯也很香。不過由於整個都係肉會比較飽滯,配上粥或白飯食會比較好。


秘製麻油雞湯 (半隻$178/全隻$328)
台灣超出名既麻油雞湯,據說適合產後婦女坐月時飲用,又可以暖胃,相當滋補呢。這雞湯先用上黑麻油將薑同雞爆香,再加入米酒同煮,望落相當足料。雞肉食落唔會好柴,配上麻油味超香的雞湯,好飲,小妹都一連飲左幾碗。

蚵仔煎 $88
加入了蛋黃漿及蔥花煎到成塊薄餅咁,入口邊邊帶脆,入口除左有蛋黃之餘,仲食到粒粒炸過的蚵仔,十分香口呢。

干煎豬肝 $88
一碟份量唔少,每件豬肝都切得頗大塊,由於豬肝先用酒醃過,再用台灣專用既醬汁所煮,所以食落超香,不過小妹都係覺得豬肝都係一兩件起就已經好夠,否則感覺好膩。


陽明山炒劍筍 $158
餐廳特意在台灣空運回來的劍筍,加上豆醬一同炒香,食落醬汁甜甜的,劍筍食落也夠爽脆,感覺是滿健康的一道菜。

台灣燥肉飯 $20
喜歡台灣的燥肉飯都係小小一碗的,面頭放了半肥瘦的肉燥,小妹就覺得一般,感覺味道唔夠香。

椰香棗茸糕 $28
食落質感夠晒煙韌,很有咬口,而且棗味很濃郁,好味。

薑茶湯丸 $38
最黎食埋個薑茶湯丸,湯丸係芝麻味,薑茶既薑味唔會好勁,岩晒向來怕薑既小妹。
圓山台灣料理
地址: 尖沙咀金巴利道25號長利商業大廈1及2樓
(港鐵尖沙咀站 B1 出口, 步行約4分鐘)
電話: 2721 9833
營業時間: 星期一至日: 11:00-00:00

================================
(喜歡的,請按讚支持,是給我很大的鼓勵啊  

Leave a Reply