日韓料理 ▼ 香港食店‧分類 ▼ 地區‧搵食 港島區

[銅鑼灣] 牛禪燒肉日本料理 ‧ 新鮮運到的喜之次刺身,味道鮮甜很驚喜! 還有入口即溶的近江牛肉刺身呢!


放工後,相約左朋友們飯聚,地點揀左個名聽過好多次,卻第一次黎試既「牛禪燒肉日本料理」,位於銅鑼灣世貿既牛禪,位置相當方便。



餐廳環境頗闊落,也有令人感到舒適的裝潢。


一個人黎食,嘆返杯酒,都有BAR檯選擇。

雪之美人
以椰汁同菠蘿所打成,入口有濃郁既椰子既味道,又帶有陣陣菠蘿清香,好飲又特別。

久保田季節生酒 $450
有喜歡飲酒既朋友,當然唔少得叫返枝日本酒。

鱈魚干 $38
坐低後,先黎個毛豆同鱈魚干做前菜,小妹頗鍾意個鱈魚干,薄薄地又夠脆,食食下鱈魚味愈黎愈重,令人忍唔住係咁食。

青蘋果沙律 $78
一向都比較鍾意食以水果做主打既沙律,所以呢款青蘋果沙律就岩晒我,食落青青地又多汁。

近江牛肉刺身 $480/50gm
粉嫩色的近江牛肉刺身,配埋如雪花般的細緻紋理,直接放入口,那輕柔鬆軟的質感,慢慢在口中溶化,確係令人驚喜,每啖都係一種享受。

再來就係精選5品刺身,當中包括喜之次(半條) $398、三文魚 $88、吞拿魚 $168、粒只 $188 和深海池魚 $168。賣相已讓人急不及待要開動嚕! 

由唔知幾時開始,唔食刺身既小妹已經開始慢慢細味到刺身既美味,今次試左呢款當日新鮮運到既喜之次刺身,更係讓小妹念念不忘。同樣帶有粉嫩色既肉質,面頭有輕輕燒過,入口質感滑溜,帶有濃郁既魚味,味道鮮甜,好美味! 

而其他刺身都切得相當厚身,感覺頗新鮮的。粒只食落帶爽,味道雖沒喜之次的驚喜,但也是味道不差夠鮮。

壽司拼盤
食完刺身未夠喉,又黎多碟壽司拼盤,每件都小小的,而且排列得很美觀,像藝術品般精緻呢。拼盤的款式選擇頗多,讓人心大心細,到底食邊件好呢? 

帶子壽司都唔錯,帶子肉質感滑溜咬落夠爽,還有以少許柚子皮帶味,很不錯。

和牛壽司 $80/件
入口鮮嫩十足,又帶有油香既和牛壽司,食完超滿足。

再黎係燒烤類,我地叫左近江小排、近江腿肉、和牛牛舌、九州西冷和鱈場蟹腳

先黎和牛牛舌,燒至兩面表層都略帶金黃微焦,一口咬落,肉質食落爽彈,令人回味非常!

九州西冷,肉質食落夠嫩帶肉汁,肉味也很濃,脂肪位更愈嚼愈香,滋味無窮。

鱈場蟹腳,已十分細心的去了邊邊的殼,燒好後拉出黎便食得;蟹腳食落頗鮮甜,不過燒至乾乾的,食落啖啖肉,不錯。

蒲燒鰻魚飯
望到都覺吸引,配埋淋左醬油既白飯,要食晒唔難,就略嫌鰻魚的細骨多左點。

秘製炒肉牛粒 $128
用上秘製醬汁炒既牛肉粒,仲加左櫻花蝦同洋蔥,牛肉粒咬落很爽口鬆化,醬汁又夠惹味,食唔停口。

牛油炒雜菌 $78
雜菌咬落很多汁,牛肉油味濃郁惹味,好快清完一整碟。
牛禪燒肉日本料理
地址: 銅鑼灣告士打道280號世貿中心1302室
(港鐵銅鑼灣站 D4 出口, 步行約5分鐘)
電話: 2895 1313
營業時間: 星期一至日: 12:00-15:00, 18:00-23:30

================================
(喜歡的,請按讚支持,是給我很大的鼓勵啊  

Leave a Reply