日韓料理 ▼ 香港食店‧分類 ▼ 地區‧搵食 新界區

[元朗] 新麻蒲BBQ ‧ 二人滋味套餐,肉類和甜品依舊美味 |


話說呢一餐韓燒係正正係萬聖節前一晚食的,所以會見到餐廳係萬聖節既佈置,除左個甜品之外,其他食物照樣係餐廳有繼續供應的。

(喜歡的,請按讚支持,是給我很大的鼓勵啊  




小妹與他都係第一次踏足新開既YOHO MAIL,感覺都不錯,最下層都係餐廳,今次係第二次幫襯新麻蒲,第一次食係岩岩係銅鑼灣新開張個時,印象還不錯。

我們兩人都被安排坐近落地玻璃的卡位,還滿舒服的。

餐牌的封面係金色的,感覺很有氣候。餐牌有提供各種不同的套餐組合,也有供應不同種類的肉類和熟食等。

最近我們叫了一份「牛/豬肉套餐1」 $548,裡頭包括了牛霜降肉100g、新麻浦護心肉120g、新麻浦秘製排骨120g、特選什麼拼盤 (年糕、蘑菇、豬肉香腸、大腸)、火灸霜降牛肉壽司(4件)、韓冰、兩杯飲品


先黎任添加的前菜,款式都不少啊。有芝麻醬野菜沙律、泡菜、洋蔥絲、漬蘿蔔片、甜辣醬芽菜、生菜等;

仲有少不了的免費泡菜蛋任加,烤至面層香口,裡頭係仍保持幼滑的烤蛋,入口微辣,頗開胃。

藍天檸檬汽水 $28及覆盆子紅醋汽水,兩杯飲落味道都係酸酸甜甜,幫襯個時天氣仲係熱,入口頗清涼消暑的。

火灸霜降牛肉壽司
服務員會直接在每件鮮紅色的降霜牛肉壽司上吱上花生醬,再用火槍火灸至兩面都約7成熟,甚有睇頭。

牛肉食落軟腍帶點灸燒焦香,花生醬味頗濃郁,兩者的配搭夠特別,而且壽司飯佔的比例很少,整體味道都唔錯。

之後就上我們的三層套餐,最上層係什錦拼盤,下面兩層都係肉類


我地決定先燒肉類。先燒色澤鮮紅的霜降牛肉 ,牛肉切得頗厚一片的,雪花紋理十分明顯均衡。牛肉食落有咬口之餘亦帶爽,愈咀愈香,富肉汁,無需沾醬已經好好食。


新麻浦護心肉
愈黎愈多韓式燒烤都有供應護心肉,護心肉咬落帶爽有嚼勁,完全唔會有豬騷味,沾埋甜辣醬食相當惹味。

新麻浦秘製排骨
經醃製過的排骨,需自行剪開一件件方便烤。排骨的肉質食落夠鬆化,經醃過後已有味道,愈嚼愈香小妹覺得簡單又好食啊! 

特選什麼拼盤 (年糕、蘑菇、豬肉香腸、大腸) 
燒完肉類後,又可以燒其他幾款燒物換換口味。味道就中規中矩,就蘑菇烤完較為乾身。

到燒海鮮拼盤既時間,包括蒜蓉帆立貝、芝士蠔、青口和蜆。服務員話燒海鮮時需將鐵絲網反轉,再將海鮮放在上面烤。整體黎講小妹覺得味道較為突出既係蒜蓉帆立貝,燒熟後咬落仍多汁,還帶陣陣蒜香呢。

反而芝士蠔基本上都被芝士蓋過了蠔的味道,純粹過下口癮是可以的。

青口和蜆質素就是一般般,不太驚艷,還是肉類較吸引呢。

甜品時間係萬聖節既血花冰(即雪花冰) $100,兩隻手指和眼球都係以曲奇做的,小妹覺得兩者都做得幾似,特別係隻手指。其實味道即係曲奇OREO雪花冰,一向都覺得新麻蒲的雪花冰做得很不錯,質感刨得很幼細,一絲絲的入口即溶,味道比起不少韓式甜品店的好味!
新麻蒲
地址: 元朗元龍街9號形點一期地下G008號舖
(港鐵元朗站 F 出口, 步行約8分鐘)
電話: 2470 0013
營業時間: 星期一至日: 12:00-01:00

Leave a Reply